وانا هعمل ايه بس يا عمتى، هو انا قولتله يستلف فلوس ولا يضيع فلوسها يمين وشمال؟
close
سادين، انتى زى بنتى، ورعد ابنى، انا بترجاكى تنقذيه من السجن، حياته هتتدمر؟
لو فى ايدى حاجه كنت عملتها يا عمتى؟
بأيدك كتير يا سادين، ادفعى الفلوس، خرجى رعد من السجن وانا اقسملك بشرفى هيرجعلك الفلوس كلها
انا مش معايا فلوس يا عمتى، كل الفلوس صرفتها على الشركه
بيعى الشركه يا بنتى وانقذى رعد
سادين بهدوء، طيب ما تبيعي المصنع يا عمتى وتدفعى الفلوس؟
شاهنده بغضب، المصنع؟
لكن تداركت نفسها بسرعه، مش هنلاقى مشتري وهيتباع برخص التراب يا بنتى؟
المشترى موجود يا عمتى
شاهنده بمكر، مين يا سادين؟
انا يا عمتى، هدفع اى سعر يتفصل بيه المصنع
شاهنده فى سرها، يا بنت الكلب، هى الحربايه هتخلف غير غراب؟
صمتت شاهنده دقيقه تفكر
انا كنت فاكره البنت دى عبيطه لكن واضح انى انخدعت فيها