نزل الشخص الملثم وفتح الباب لسادين، انزلى من فضلك! ؟
نزلت سادين وصعدت الدرج مع الشخص الملثم إلى أن دخلو شقه
كان فيه طعام جاهز على الطاوله، باقة ورد لا زالت نديه
انا هسيبك تاكلى وتاخدى شاور وتغيرى هدومك
فيه هدوم جديده فى الحمام، متخفيش انا هكون تحت قدام باب العماره ومش هرجع غير لما تدينى اشاره
رحل الشخص الملثم وقفلت سادين باب الشقه، جسمها كان لسه مرعوب وخايفه
مقدرتش تاكل، خدت شاور ولبست الهدوم إلى فى الحمام وكانت للصدفه مناسبه لمقاسها!
بعد ما خرجت، هدوئها كان رجعلها شويه وقدرت تتتذكر انها نفس الشقه إلى لقيت نفسها فيها لما كانت فاقده للوعى
بصعوبه تناولت لقمتين حطتهم فى بقها وعملت فنجان قهوه لأن دماغها كانت هتنفجر
قعدت تفكر شويه ونسيت الشخص الملثم إلى قاعد فى الشارع
لما افتكرت بسرعه فتحت الشباك وشاورت ليه
بص ناحيتها شخص لكنه مكنش ملثم وكانت سادين تعرفه __ فهد
وصل فهد الشقه وكان معاه حراسه، استأذن فى الدخول وسمحت ليه سادين
شرح فهد لسادين الحقائق الغايبه عنها، محاولة شاهنده التخلص منه واشعال النار فى شقته