مالك طيب هو إيه لازمن أفهم
صقر : أمك تكون جريبتي بت خالتي وصابحه أختها
مالك : نعم صابحه بنت الجنايني تبقى خالتي
صقر : وكان ممكن تكون أمك
مالك : مش فاهم
صقر : بص ياولدي وأني صغير وشاب زيك إكده وجعت في حب صابحه خالتك لكن جدك عرف ورفض وحلف يحرمني من كل حاجة لو مسبتهاش
مالك وايه اللي حوصول
صقر بتنهيده : فكرت إني لو اتجوزتها من وراهم أبوي هيرضى بالأمر الواقع وفعلاً روحت وطلبت اتجوزها في السر وبعد فترة أحط أبوي جدام الأمر الواقع رفضت صابحه في البداية وبعد شوية وافجت لكن يكون الجواز برا البلد عشان أهلها ما يتأذوش سافرت عشان أجهز كل حاجه لكن لما رجعت عرفت إنها اتجوزت عتمان إبن الجنايني كنت حزين و مكسور لكن قررت أنتجم منها
صقر : عرفت إن صابحه كانت عاوزة تسيب البلد لكن أبوي صمم إنهم يفضلوا يشتغلوا جوا الجصر عشان يكون عقاب ليا إني أشوفها جدامي مع واحد غيرى لكن أني عنيد واتجوزت أمك اللي بتكون أختها الصغيرة عشان أوجع جلبها وحطيت الكل جدام أمر واقع
مالك : ومتكلمتش معاها بعد إكده
صقر بعد ما اتولدت
………
في نفس الوقت في بيت صابحه
عتمان بص لصابحه خايفه من القصة الجديمة تتكرر
صابحه : اه ما اتمناش لبتي تعيش حياة تعيسه