في الصباح العيلة كلها كانوا متجمعين على السفرة
صقر : حالك إتغير كتير وأنا فخور بيك ياولدي
وردة فعلاً ياحج بجى عاجل بجى جد المسؤولية
صقر : أما نشوف هيفضل إكده ولا هيجلب مرة تانية
وردة : لا تف من حنكك هيكون سيد الشباب وبكرة هتشوف
صقر : يسمع منك ربنا ويظبط عليها نفسي أعلمك كل حاجه تخص النيابه عشان في المستجبل تكون بدالي يا
ولدي
مالك : أكيد يابوي أنا تحت أمرك
صقر : تسلم من كل شر يا ولدي يعني معدتش هتسافر واصل
مالك ياولدي أنا شايف إنه كفاية تعليم هناك واهتم بكل أعمالك إهنه
وردة :عين العجل ياولدي وسيبك من بنات الكفر والتسالي وشي بجى وحش من كتر الكلام وأبوك تعب
مالك : حاضر يا أمي تحت أمرك
صقر : بجد ياولدي يعني ممكن تتجوز وتفتح بيت بجى
مالك : ايوه يابوي وكمان لجيت البت المؤدبه اللي هتصوني في الغربة
وردة : بحق ياولدي مين هي وأني هروح أطلبها لك
مالك : حجيجي ياما
وردة : أكيد ياولدي وأني ليا أعز منك
صقر : اصبري بس لتطلع بت من البنات اللي كان مجضيها معاهم
مالك : لاه يابوي داي بت مليحه جوي .
وردة :هي مين ياولدي