سليم شالها بسرعة وقال ..
الأوضة فين بعد إذنك علشان أكشف عليها…
شاورت له نهر عليها :
close
إتفضل هنا بس أنا ممكن أكشف عليها أنا برضو دكتورة زي حضرتك …
سليم برفض :
لا أنا اللي هكشف عليها
إستغربت نهر رد فعله :
طيب ابعد الغطا اللي على وشها الأول علشان تعرف تاخذ نفسها في الحر دا …
سليم بعصبية :
قلت لأ مهمتك توصليني على أوضة النوم وتسيبيني معاها مفهوم ولما أبقى أحتاج حاجة هبلغك …
نهر هزت راسها : حاضر ….
وهي في نفسها ماله دا مغرور كدا ليه ولا يمكن هي جميلة أوي وخايف لحد يحسدها
لاحظ سليم إن نهر سرحانة ومش معاه فنادى عليها :
يادكتورة ؟!
فاقت نهر على صوته :
نعم…
سليم :
ممكن بعد إذنك تناوليني شنطه الكشف هي موجوده في العربية بره …