ليل براحة: أخيرا مشي
نور ضحكت: أنا عارفة انك كنتي على أخرك منه
ليل: انا والله مش بكرهه بس أنا مش بحب الشخص اللي بيكون رامي نفسه أوي كدا
نور: يابنتي بيحبك
ليل: بس أنا مش شايفاه زوج انا شايفاه مجرد أخ وبس وبعدين أنا عاوزة واحد حنين طيب مايجرحنيش ولا يستحمل يشوفني حزينية
نور ضحكت: ودا هنجيبه منين دا
ليل: أكيد هيجي
في المساء، شريف كان مخنوق ونزل اخد العربية وخرج وبعد لف نص ساعة وقف ادام الكافيه اللي بيشرب فيه
قهوته دايماً، ودخل قعد على ترابيزته المفضلة وبيدور بعنيه على أمل بس مكانتش موجودة وعرف إنها بتخلص الشفت بتاعها قبل المغرب
البنات قاعدين مع بعض بس كل واحدة بتذاكر وملك وسارة مع بعض
هاجر: بقولكم ايه يابنات انا زهقانة ماتيجوا نرقص
ملك بصتلها: وبالنسبة لأبيه أدهم بقى
هاجر: عادي مش هيقول حاجة وبعدين احنا قاعدين لوحدنا
سارة بحماس: يلا
آيه قاعدة هادية: بطلوا جنان
هاجر بتريقة: خليكي انتي ياعاقلة