امل: بالليل ان شاء الله
ليل: ليه تمشوا في وقت متأخر كدا
أمل: شريف حابب يقضي اليوم معاكم وبعد كدا نمشي
هاجر: ناويين تروحوا شرم؟
close
أمل: اه
آيه: هنحصلكم بكرة او بعده بس هنكون في الڤيلا
أمل: اه شريف قالي وعشان كدا قالي هنحجز في فندق رغم ان قولتله لا نكون معاكم بس صمم على كدا
ليل: لا ياحبيبتي عشان تكونوا براحتكم
بعد شوية ليل سابتهم ونزلت تحت
ليل لفريدة: فين صباح ياطنط
فريدة: راحت مشوار وجايا ليه ياحبيبتي؟
ليل: عاوزة اشرب قهوة
فريدة: ياحبيبتي القهوة كتير غلط وانتي لسة شاربة من شوية
ليل: مصدعة أوي وحاسة اني مش كويسة
فريدة ابتسمت: طب اطلعي اوضتك وانا هعملك أنا
ليل: لا ياطنط هعملها لنفسي
فريدة: انا قولت انا اللي هعملها واتفضلي اطلعي جهزي شنطتك عشان هنسافر بكرة
ليل: مش عاوزة اسافر
فريدة بغضب: هتسافري معانا يعني هتسافري