ملك أخدت نفس وبدأت تحكي عن اللي قاله أكمل ليها
سارة: مش يمكن يكون شايفك كدا زمان لكن دلوقتي لا؟
ملك بغضب وحزن: إنتي بدافعي عنه عشان هو أخوكي يعني
سارة: والله أبداً أنا بس حاسة عكس كدا ياملك
ملك بصتلها: تقصدي إيه؟
سارة: أقصد إني حاسة ان أكمل بيحبك والدليل على كدا لما أنا كنت قاعدة معاه قبل مانخرج قالي إنك واقفة
مستنياني عرف منين انك واقفة ورانا
ملك: عادي يعني ماهو أكيد عارف إين مستنياكي عشان نخرج
سارة: ياسلام؟ وليه ماتقوليش إنه بيحس بكل نفس بيخرج منك وعشان كدا حس بوجودك
ملك مش عاوزة تعيش نفسها في وهم: لا ياسارة انا اللي أعرفه إني بالنسباله طفلة وبس مهما السنين تعدي
مافيش حاجة هتتغير
سارة: براحتك بس فكري في كلامي تاني ياملك
شوية والدكتور اللي هيشرح ليهم المحاضرة اللي جايا دخل وبدأوا يركزوا معاه
ليل خلصت شغلها ورجعت بدري وتمارا كانت خلصت شغل المكتب ورجعت هي كمان