فهد: يعني انتي شايفة اني عاوزك تفضلي بعيد؟
ليل: أيوا عشان دا كان طلبك
فهد: ولو قولت عكس كدا؟
close
ليل بصتله: يعني ايه؟
فهد لسة هيتكلم بس الباب خبط وكانت نور
فهد بص ليل بعصبية: هو انا مش عارف اتكلم معاكي شوية من غير ماحد يخبط عالباب يلا ننزل
ليل ضحكت ونزلوا سوا واتجمعوا في العربيات ليل واختها ركبوا مع فهد وشوية ووصلوا اتيليه الفساتين وكل البنات بتختار وليل كل مابتختار حاجة فهد يقول عليها لا
ليل: يعني باردوا مش هختار الفستان على ذوقي؟
فهد بهدوء: لا هتختاريه بس يكون حلو
ليل ماسكة فستان لونه ازرق جميل اوي: طب دا ماله طيب
فهد: انتي مش شايفة انه من غير كم
ليل: عادي
فهد بعصبية: ماتستفزنيش