جاسر شاف فهد واقف وراهم وسمع كل الكلام بس فهد بإشارة واحدة لجاسر انه مايتكلمش ولا يقولها انه واقف
جاسر لليل: اوعدك ياليل
جاسر سابها ودخل وهي قعدت على كرسي ادامها ودموعها نزلت وفهد اضايق ودخل تاني قعد مع البنات وليل
دخلت وقعدت معاهم وأدهم كان بارة وجه
أدهم للبنات: هتنزلوا تشتروا الفساتين امتى؟
آيه: بكرة
أدهم: طب تمام عشان انا واكمل هنروح معاكم
ملك بصت لفهد: وانت يافهد أكيد جاي طبعاً
فهد: لا
ليل زعلت أوي انه رفض ودا بان عليها وفهد أخد باله واتكلم: بس لو ليل عاوزاني اروح معاكم هاجي
ليل ساكتة والكل قاعد مستنيها تتكلم
نور: ها ياليل ردي
ليل أصلا مكسوفة تتكلم
فريدة جات من وراها: السكوت علامة الرضا وبلاش تكسفوها ويلا قوموا عشان تاكلوا
ليل بصت لنور: انتي هتقعدي أد ايه؟
نور: يومين
فهد: ويومين بس ليه انتي كدا كدا كنتي هتيجي مع عمي وطنط يوم فرح شريف يبقى خليكي هنا ليوم الفرح