في قصر البارون شريف صحي وراح لجناح جده يطمن عليه والبارون كان صاحي
شريف خبط ودخل: صباح الخير
البارون: صباح النور
close
شريف: عامل إيه النهاردة؟
البارون: تمام
شريف عارف ان جده مش من الساهل يقول انه تعبان: طب ممكن حضرتك تسمع كلامي وأجيب ممرض لحضرتك البيت يتابعك؟
البارون بسخرية: ليه وهو أنا صغير
شريف: التعب مفهوش صغير وكبير ياجدو لازم متابعة لحضرتك
البارون عاوز يعرف اللي حصل في الإجتماع امبارح لأن لسة محدش عرفه لأنهم خايفين: بقولك إيه ياشريف
ماتعرفش حصل إيه في اجتماع الشركة امبارح؟
شريف بصله وضحك: حضرتك عارف إني مش متابع شغل الشركة
البارون بغضب: طول عمرك هتفضل غبي
شريف بيجهز الحقنة: يلا ياجدو عشان تاخد الحقنة وبعدين أفضل غبي بدل ما أقعد افكر في اللي بيحصل وأوجع دماغي
البارون بصله: طب انا موافق على حكاية الممرض بس عندي شرط