فهد اخدهم ونزلوا كلهم وماكس كان قاعد على الارض جمب رجل فريدة واول ماشاف فهد وقف وجري عليه وفهد بيمسحله بإيده على جسمه
سليم بخوف: ابعده
فهد: خليك كدا خايف، هو طول ما شامم ريحة الخوف هيهجم عليك
close
ادهم قرب من ماكس وماكس شب عليه كأنه بيحضنه وسليم واقف مرعوب وفريدة بتضحك عليه
سليم: كدا ياطنط بتضحكي عليا
فريدة بتضحك اوي: فيه راجل بيخاف ياسليم
سليم بدأ يتشجع ويقرب من ماكس شوية بشوية وفهد وقف ماكس ادامه وكأنه واخد وضع الهجوم
فهد لسليم: قرب ماتخافش
سليم بيقرب وماسك بيزوم: ياعم دا بيزوم
فهد ضحك: يا ابني قرب بس
سليم قرب وفهد بيقول لماكس يسلم على سليم
فهد بص لسليم: مد ايدك
سليم بيمد ايده بخوف وماكس رفع رجله وسلم عليه
فهد: دلوقتي ماتخافش منه
أدهم اتكلم: عقبال اللي في بالي يارب ماتاخد عليه بدل ماهي مرعوبة منه