فهد وأدهم وصلوا القصر والكل كان مستنيهم
فريدة: ها عملتوا إيه؟
close
أدهم: قرينا الفاتحة
ملك بفرحة: مبروك يافهد
فهد ببرود: الله يبارك فيكي
فهد سابهم وطلع
فريدة: هو في ايه؟
أدهم: مافيش ياعمتو
عبدالعزيز: هو كويس؟
ادهم: أيوا ياعمي
مراد: دا منظر واحد كويس او فرحان
شريف بتريقة: ومين قال اصلا إن فهد فرحان بكدا
مراد: تقصد إيه؟
شريف بغضب: اقصد إنه بيعمل كدا عشان يعرف ينتقم منها عشان وقفت قصاده بس اللي هيجنني إيه اللي
حصل عشان هي توافق
أدهم بعصبية: بلاش كلامك دا ياشريف
أكمل بيحاول يهديهم: بقولكم إيه ماتريحونا بقى وهو حر يعمل اللي يعمله
شريف: ازاي يا أكمل بس
البارون نزل مع آيه سانداه: واقفين كدا ليه؟
مراد مسك إيده سنده: أبداً يابابا دا أدهم وفهد رجعوا فبنشوف عملوا إيه