كريمه ببرود
ماتتجوزش خالص يا عمو معتز ، يعنى هتاخد ايه من الجواز غير هات فراوله فى الشتا علشان الوحم ولا يا عينى مرتبك إللى هيتسحب منك كل اول شهر ده غير. الهدايا وفسحنى وخرجنى وعيد حب وعيد ام وعيد جواز وعيد
خطبتكم واول يوم شوفتو بعض فيه ده غير هات حافضات و..
ليضع معتز يده على فمها
وحيات ابوكى اسكتى ياشيخه ده انا هترهبن بسببك ، منك لله انتى واللى كان السبب
لتزيح كريمه يده عن فمها
ده انا كمان كده مختصره عليك يا عمو ، وبعدين انا الحق عليا انى بفطمك ” وتذهب إلى باب الكانتين وتدخل وتبحث عن شيئ لتاخذه لينظر لها معتز بغيظ حتى ذهبت لينهض من مكانه ويهندم نفسه وهو يسب ويلعن بها
ليقع نظره على طفل جالس لوحده تماماً ليسأل صاحب الكانتين ”
معتز
قولى يا …. ” وينظر للاسم المعلق على قميصه ” يا رامى هو الطفل إللى قاعد هناك ده فين اهله سيبينه لوحده ليه ؟؟
رامى
مش عارف والله يا باشا ، الواد اديله على 6ساعات قاعد فى مكانه وماتحرقش يمكن حد من اهله تعبان هنا ولا حاجه
معتز
امممم طب شكرا جدا
رامى
العفو على ايه
ليذهب معتز الى كريمه ليرها انتهت من الذي تشتريه ام لا
____________________
فى منزل قدر