شكرا بجد يا ابيه
والدها بغيظ
عايزاه من آدم ايه يا مى قولى
مى بتوتر وخوف لحظه آدم
هااااا ..كن… كنت عاي.. عايزاه…. يعنى …
آدم مقاطعا ايها
مى كانت عايزاه اشرحلها حاجه فى الفيزياء مش كده يا مى
لترد بسرعه
طبعا يا ابيه انت شرحك فى الفيزياء يجنن ومش بفهمها من حد غير منك لان طريقتك فى الشرح ممتازه جدا جدا
عمران بغيظ من آدم
امال انا بجيبلك احسن المدرسين هنا ليه مادام سي آدم بيشرحلك يبقي بلاها مدرسين احسن وخليه يشرحلك ياختى
لينظر آدم ليجد وجه مى يبدو عليه الخزن من حديث والدها
آدم
إللى مى عايزاه بس هو اللي هيتعمل واللى مش عاجبه يخبط دماغه فى اتخن حيط
عمران ببرود
خلاص ياخويا اتحمل انت تكليف الحصص بتاعتها انا مش هدفع ليهم ولا مليم احمر
آدم بغيظ شديد
على اساس انك بتدفع من جيبك ما كله من فلوس امى وتعبي فى الشركه دى إللى من غيرى كانت فلسه ” لينظر إلي مى ويبتسم لها ” ماتشغليش بالك يا مى ياحبيبتى انا هجبلك احسن المدرسين هنا انتى بس عليكى تذاكرى