دادا ساميه بضحك
والله انا مش بعملها غير علشانك يابنتى
روتيلا بابتسامه عريضه
ربنا يخليكى ليا يادادا ساميه انتى الوحيده إللى بتفتكرينى بالحاجات الحلوه دى ، تسلم ايدك ياقلبي
امانى بمزحه
هى بس إللى بتفتكرك يعنى يا ست روتى ،. طب هاتى بقي طبق الطعميه ده
روتيلا وهى تبعد الطبق عنهم
ما انتى قطعتينى وانا بتكلم كنت لسه هقول محدش غيرك ياداده وماما إللى بيفتكرنى
احمد وهو يمثل الزعل
بقي هما بس إللى بيفتكروكى ، متشكرين يا مصر ماكنش العشم برضه
روتيلا بضحكه
لا لا لا كله الا ابو حميد ده انت الغالى ياجدع ،. ده انت لو ماكنتش ابويا بس ياراجل
امانى بغيره
كنتى هتعملى ايه يعنى ياروتى هانم ؟؟
روتيلا بحب
كنت اتجوزتك والله ياشيخ ، تدري ليش ؟ ، علشان انت جمر وحتت سكر وتتحب من اول نظره ” وترسل لها بوسه فى الهواء ”
لتضربها امانى على رأسها
بت احترمى نفسك ، بدل ما اخليكى تحترمى نفسك بما لا يرضي الله هااا
روتيلا بخوف مصطنع
لا وعلى ايه الطيب احسن يا منمونه انتى ياقمر وتنظر إلى والدها وتقول شرسه اووى الست دى ، هو انت اتجوزتها ازاى
امانى وهى تمسك السكينه التى على السفره