قدر بضحكه
اخو دى ف الرضاعه وتشاور على روتيلا هاهاهاها
اسماء بزهول
لا بتهزرى صح ؟ مش معقوله الصدف دى كلها
روتيلا
مافيش حاجه في الزمن ده مش معقوله ياختى ، عندكم انا مثلا الشخص اللي خبطنى بالعربيه طلع مديري فى الشغل الجديد وشكلنا كده مش هنعمر مع بعض خالص
اسماء بصدمه
مش معقوله بجد ، اوعى تكونى بتهزرى ؟ دى تبقي مصيبه لو اتجمعتو انتو التنين سوا “وتخبط على راسها ”
قدر بصدمه هى الاخرى
فعلا ياسمكه دى تبقي كرثه لو الاسدين اتجمعو سوا ، التفتت الى وروتيلا محدثه ايها طب ناويه على أيه دلوقتى ياروتى
روتيلا بتكفير
مش عارفه لسه .، بس الاكيد إللى انا اعرفه انى مستحيل اشتغل مع البني آدم ده ولو دقيقه وحده تجمعنا سوا
قدر وهى تنهض
طب يلا نروح دلوقتى وبكره نشوف هنعمل ايه احسن الوقت اتاخر اوى وزمان ماما قلقانه عليا
اسماء
على رايك وانا كمان اما اقوم اجيب روتى ونروح نشوف محمد احسن زمانه قرب يرجع من الشغل يلا باي
روتيلا وهى تنهض هى الأخرى
باااى ياختى منك ليها وانا كمان اما اروح استلم بابا زمان المحروص قاله على كل حاجه وعمل فيها البريء وانا الشريره
قدر وهى تقترب من روتيلا
طب خدينى فى سكتك والنبي احسن مش قادره امشي خالص بعد إللى حصل النهارده ده
روتيلا
طب يلا ياختى قدامى ياسبب غلبي ثم تذكرت فجأه لتقول اااه صح يبقي اسالى على ساره علشان اخر مره كلمتها كانت تعبانه جدا ياعينى