تعالى ياماما اقعدى مكانى
السيده
لا يابنتى ده مكانك اقعدى انتى عليه وانا كويسه كده انتى شكلك تعبانه ومش هتتحملى الواقفه
قدر وهى مازالت محافظه على ابتسامتها
لا ابدا يا ماما انا متعوده اقف هنا تعالى بس انتى اقعدى ” وتسحبها قدر من زيعها وتجلسها مكانها ”
السيده بابتسامه
ربنا يحميكى يابنتى ويبعد عنك ولاد الحرام ويرزقك بالى تتمنيه يابنتى ويفتح أبواب الرزق قدامك ان شاء الله
يااارب ياحبيبتى
قدر
آمين يااارب ، تعرفى انى كنت محتاجه الدعوه دى بجد ، بجد مش عارفه اقولك ايه ، شكرا بجد
السيده بابتسامه حب
ماتقوليش كده يابنتى انتى باين عليكى بنت ناس ومحترمه وأن شاء الله ربنا هيقف جنبك ومش هيسيبك
قدر وهى تنظر من الشباك للسماء
ياااااارب ياااارب ” لتنزل دمعه خانتها لتمسحها سريعا ”
لتجد شخص يقول من ورائها
ليه الدموع دى يا انسه
لتلتفت قدر إليه
لا انت كده زوتها اوووى على فكره ، ممكن اعرف حضرتك جاى ورايا هنا كمان ليه ، ولا تكونش دى كمان صدفه
مراد بابتسامه
لا المره دى الحقيقه مش صدفه انا جيت وراكى فعلا ، وقبل ما تتكلمى او المجارى تطفح علينا اسمعينى الأول عايز اي منك وبلاش سوء الظن ده
قدر بغيظ