روتيلا ببرائه
هو انا عملت حاجه يا ميدو ، ولا إللى يقول الحق يبقي مذنب و تيجو عليه الله
close
آدم بغضب
لا البت دى مش هتجيبها لبره ابدا ولازم تتربي ليمسكه مراد بكامل قوته ويقول سريعا
مراد
اهده يا آدم اهده ياحبيبي هى ماتقصدش عليك اكيد
روتيلا بغضب :
لا عليه وعليه اووووووى كمان ، مابنتهددش ولا بنخاف من حد احنا وتجلس علي الكرسي ، وادى قاعده اهو لما نشوف اخرتها هااااا
آدم بغضب
لا دى زودتها اوووى ، سيبنى يا مراد انا عارف النوع ده كويس جدا ومش هيخرص غير لما ياخد على قفاه
مراد
امسحها فيا انا معلش ، هتاخد على كلام بنت قد اختك ، اقولك اعتبرها زى مى او سهى وغلطت معلش بقي
آدم
دى لو اختى كنت قتلتها ، وبعدين ماتمسلهاش باخواتى دى الشطان اكيد بيتعلم منها ، ماكدبتش لما قولت عليها غوووله
لتسمعه روتيلا وتقول
غول اما يلهفك يا شيخ ، اهو ماحدش غول غيرك هااا