فارس بحده /هو ده بس كل الي همك الفلوس مش همك قهره امي الي المفروض مرات عمك وبعدين انتي بالذات صوتك ميطلعش الراجل عايز يخلف ولد يشيل اسمه واملاكه مانا متجوز ارض بور.
ملك بغيظ شديد/انت بتعيرني ي فارس .
فارس بحده /انا بوعيكي ي بنت عمي ابعدي عن الموضوع ده ي ملك لاني مش هسمحلك تقلي من ابويا فاهمه .
ملك بغيظ وهمس وتوعد /مش بعد كل الي عملناه انا وسالم هتيجي واحده تاخد ده كله علي الجاهز ده انا اقتلها ده حق ابويا وانا مش هسيب حد يتمتع بيه ابدا وانتي ي عروسه قسما بالله لتشوفي المر .
********************.
ليلا ..
في الفرح …
كانوا يجتمعون جميع اهالي البلد كان يجلس هاشم بسعاده وقوه أما فارس كان يقف بضيق شديد وهو يشعر باهانته هو ووالدته وأخواته من موقف أبيه .
هاشم بابتسامه /فارس روح بالعربيه هنلاقيها جاهزه تجيب العروسه .
فارس بحده /ليه أن شاء هشتغلها سواق انا مش ناقص وجع دماغ كفايه الخنقه الي الواحد فيها .
هاشم بغيظ /ماشي ي فارس واد ي سالم سالم .
سالم بابتسامه خبيثه/نعمين ي عمي .
هاشم بابتسامه /تعال ي ولدي نجيب العروسه .
سالم بابتسامه خبيثه/امرك ي عمي يلا بينا .
ملك بغيظ شديد/عجبك كده شايف الناس عماله تبصلنا ازي احنا اتفضحنا ي فارس انت لازم توقف الجوازه دي .