مسك زجاجه النبيذ وسكب فى كأسه وهو يشرب بصله سامر وهو بيتابعه قال باستدراك
– حد جاب سيرتها قدامك
بصله هيثم وكأنه فهمه قال
– مش عارف إذا كنت ندمان عشان روحت ولا لا .. أنا منقطع عنهم بسبب كده .. مش عاوز حد يجيبلى سيرتها ولا اشوف نظره شماته من حد .. ارجع واقول أن دلوقتى أو بعدين هرجعلهم لأنهم ايا كان عيلتى
– واى إلى مضايقك دلوقتى عشان افتكرتها .. انت اصلا منستهاش بلاش تضحك عليا
– منستهاش من ناحيه الجرح إلى جوايا يا سامر مش اكتر من كده
– بس …
بصله هيثم من الى يقصده فقال
– انت لسا بتحبها يا هيثم
ابتسم بسخرية وقال – انت اخر واحد ممكن أتوقعه يقول كده
– مجاوبتنيش انت لسا بتحبها ؟
– لا
قالها بجديه ثم أردف – مش انا يا سامر .. مش هكون مغفل لدرجه دى كفايه انى اتغفلت كتير
– ولى لسا بتفكر فيها لى متديتش نفسك فرصه أنك تحب حد غيرها
– أنا ماسك جرحى ومش عايزه يشفى عشان مقعش تانى … حب !!