بتجاهلهم
– اتجاهليها هى كمان
رفع عينه إليها وقال – متخافيش من أى حد بعد كده
بصتله والتقت عيناهم قرب منها وبعد شعرها من على وشها فاتوترت
– اى حد يضايقك بعد كده متخافيش عشان انتى دلوقتى مرات هيثم منير زهران .. ومحدش هيقدر يتنمر عليكى أو يسىء ليكى بكلمه
بصلها فى عينها قالت – غريبه بتقول انى مراتك عادى ومفيش حد غيرنا .. بحسبك لما قولتها قدام الكل كمساعده ليا انك ترد كرامتى
عرف انها تقصد حديثه الفظ معها تنهد وقال
– ينفع تنسي إلى قولته فى اليوم ده
سكتت ومرديتش بصلها واردف
– هيبقى احسن لينا احنا الاتنين عشان نقدر نكمل الفتره دى
أومأت له وهى تقول – معاك حق اصلى هشوفك اكتر من حد تانى وده للاسف يعنى .. بس ما علينا مضطره انسي عشان اقدر اتعامل معاك
ابتسم قال – شكرا
بصت له من ابتسامته بعد عنها ومشى أما هى افتكرت لؤى ذلك الشاب الذى التقت به مره فى الجامعه ومسك أيدها وضايقها واقترب منها لولا حارس الأمن الذى انى وهربت منه فى لحظتها .. كانت فكراه من يومها ومنسيتش بس صدمتها لما شافته انهارده وأنه قريب هيثم