– انا مدورتش مساعدتك
– وانا هستناكى لما تطلبى
– آه كنت اقدر اتصرف على فكره
– واضح وانتى مش عارفه تتحركى بسببهم .. قولتلك قبل كده وانتى ماشيه ماتمسكيش الزفت ده وبصى قدامك
– كنت بتسلى
– حبكت يعنى ما لما تتروحى
صمتت بضيق فقال – بدل ما تعاندى فى الغلط المفروض تشكرينى
نظرت له كان يبدو التضايق على وجهه قالت – شكرا
هدأ حين سمع شكرها بصلها كملت ما تفعله وهى تتغاضى النظر إليه
– انت صحيح سبت هيثم وبقيت تشتغل مع حسام .. استغربت جدا لما عرفت بحاجه زى دى أنكم بعدتو عن بعض
– الى حصل
– لسا البيت مكركب زى اخر مره
نظرت له واردفت- متغيرتش
تبدلت ملامحه ابتعد عنها وقف قال – تقدرى تمشي
– همشي ياسامر
توقف حين قالت له ذلك وقفت وقالت – انا مشيت من حياتك زمان، مش هتيجى من المرادى وجودى معاك هو رد معروف للى عملته متفتكرش ازيد من كده .. انا مش غبيه بأنى افضل افكر فيك
خدت شنطتها ومشيت قال – وانا لسا بفكر فيكى يا جنى
ابتسمت قلت بصتله وقالت بسخريه – لا مهو واضح .. كمل سهر وشرب بين واحده وغيرها .. صدقنى معدتش تفرق
– كنت بحاول انساكى
– ولما كنت معاك كنت بتحاول تنسانى برضو ولا بتشغل فراغك
قالتها بغضب فصمت والحزن باين فى عينه قربت وقفت قدامه قالت
– انا فضلت معاك وانت بعدت بارادتك … بعدتنى عنك ونهيتنا منغير سبب .. انت مفيش حد غيرك ياسامر .. فمتجيش دلوقتى وتبرر بعد السنين دى
– مبررش يمكن عوزت اتكلم معاكى زى الاول