– مش انا الى خدت الفلوس والله ما كنت اعرف اصلا موضوع المهر والجواز ده غير منك .. سيبنى
– ميخصنيش لاقى منير وقوليله انك مش عايزه الجواز دى والغى الفرح قبل اما ينفذ الى فى دماغه ويبقى علن
اومأت وهى تقول – حاضر
– لو كذبتى عليا تانى اعرفى انى هبعتك للجحيم بنفسي
– انا مكذبتش عليك اصلا قبل كده
سكت بصلها وهى متوجعه وخايفه بعد عنها بص قدامه وقال ببرود
– انهى الموضوع قبل بكرا انا بعتلك العنوان
بصتله قرب منها رجعت لورا بخوف بصلها من رده فعلها لم يبالى وفتح الباب ببرود اتفجأت لأنها ظنته سيقترب منها
– انزلى
بصتله ثم نزلت سريعا وقفلت الباب فأنطلق بسيارته قالت بصراخ بعدما كبحت غضبها
– هيثمم انت واحد حقيرر
بصت على دراعها بضيق بس بعدين افتكرت المهله الى قالها عليها زفرت بضيق
– كنت ناقصه الجواز هو كمان كرهتونى فيه قبل اما اجربه
بصت على الساعه بعدين مشيت ، وصلت للمستشفى ودخلت الغرفه لقت امها قاعده وكانت بتخيط كوفيه واخيها مسطح على السرير بجانبها حم حممت ودخلت
– ماما