– محاولش يكلمه
قالتها افنان بحزن فقالت جنى – راحله وبررله بس هيثم مصدقوش وطرده .. كل اتاكد أنه هو عشان كان القرب من حسام بيساعده فى كل حاجه من وهو صغير .. يمكن حسام كان بيناديله اخويا اكتر من هيثم بيناديله باسمه
العادى
– وانى شايفه اى بتحكى على أساس أنه مظلوم
– انا اه عارفه ان اسلام كان قريب من حسام وبيساعده بس اكيد مكنش هيساعده فى انه ياذى هيثم .. هو بردو كان صحبه وابن عمه
– وبردو محدش ظن ان حسام أخوه ممكن يعمل فيه كده .. الحقد ملوش تفسير أو مبرر ياجنى هو غريزه بتبقى جوا شخص غيرى سوى
سكتت جنى ومتكلمتش كانت افنان مستغربه فهل اسلام سيء انها راته هادىء بعيدا عنهم شعرت انه شخص جيد لكن متوحد بس طلع التوحد ده بسبب انه مبقاش عنده الشخص الى يعقد معاه من ناحيه حسام فتركه ومن
ناحيه هيثم فهو قاطعه ويبغضه مثل حسام لانه يظن انه اذاه مثله
افتكرت لما هيثم كان عيان وشافته واقف عند بابا الاوضه ينظر له من بعيد ولما سألها عليه وقالتله أنه كويس ويروح يشوفه بنفسه لكنه اخبرها فى مره اخرى مانع يتجنب لقائات بينهم
– حتى لو غلط هو نادم دلوقتى
قالتها جنى بصتلها أفنان كملت – عمتو مضايقه من قعدتو دى
– ليكى كلام معاه
قالتها افنان بصتلخا جنى وقالت – يعنى بس ليه
– مش هما مستنين فى الملعب عشان يلعبو .. هو بيعرف مش كده
– اكيد دى كانت هوايه ليهم زمان