كملت بانفعال وهى تعطيه ظهرها – يلا فكنى دلوقتى
بصلها ببرود حط ايده على كتفها وضغط عليها لتميل على الكنبه وهو مايل عليها بصتله بشده قال
– ما عنديش مانع يا .. افنان
اتصدمت لأنه عارف اسمها قرب منها رجعت وشها بخوف
– اديتك مهله خمس ايام عشان تفسخى عقد جوازنا
بصتله باستغراب شديد قرب منها اكتر وهى بدأت تشعر بانفاسه وهو يشعر ببشرتها الناعمه من ملامسه وجههم
– وانهارده اليوم السادس يعنى مهلتك خلصت
ثم عاد ونظر اليها خفضت عيناها بخوف وقالت بتقطيع
– ع..عقد جواز مين ..وخمس ايام ايه مش فاهمه حاجه
صمتت قليلا ثم بصتله وقالت بصدمه واستدراك
– ايوه افتكرت .. انت المجنون الى بعتلى رساله
كان هادئ جدا قرب منها نزلت وشها بخوف قال
– افنان ..
نظر اليها واكمل – مش عارف ازاى خدعتيه عشان يخلينى اجوزك .. بس دلوقتى من الافضل ليكى انك تروحيله وتطلبى منه يفسخ العقد ده
قالت بتوتر – ارجوك ابعد .. صدقنى انا مش فاهمه جواز اى انا معرفكش اصلا