قرب منها مسح دمعتها بصتله قال – اتصلى بيا
اومأت له بالطاعة بعد وجه يقوم مسكت ايده بصلها سابت ايده بخجل وقالت – عرفت انك قولت لباباك انك تميت جوازك منى
– لو مكنتش قولت كده كان خلانى اتممه لانه كان باين أنه مهتم بالموضوع
اومأت له بتفهم قالت – شكراً
شعر بنبضه غريبه فى قلبه لكن تجاهلها وذهب نزل هيثم وتوجه لغرفه المعيشه شافه حمزه ولؤى قال- كنا لسا جاينلك
– فى حاجه ؟
– اه انهارده يوم الاربع يلا
استغرب لكن فهم وقال – مش فايق دلوقتى
قال لؤى – خايف تخسر بقالك كتير ملعبتش يا هيثم مش كده
قال حمزه – مبلاش تستفزه ، اخر مره خلى شكلنا وحش
مشي هيثم وسابهم وهو غير مبالى قال حمزه بصوت مرتفع – قولت ايه
– يوم تانى مش فاضيلكو
كان منير جالس فى غرفته سمع صوت نظر ناحيه الباب شاف هيثم اتفجأ من مجيته
– جيلى اوضتى مره واحده .. معماتهاش وانت صغير يعنى
دخل هيثم قعد وبصله قال – عايز اسالك على حاجه وياريت تجاوبنى
استغرب اردف هيثم – بالنسبه لعقد جوازى انا وافنان