حليتى الموضوع.. لو عايزه توقعى اى حاجه تانى معنديش مانع
قالت شذى بابتسامه – ايوه ده صحيح .. بصراحه الغلط كله مكنش على افنان انا إلى كنت حاطه العلبه على الحرف .. أنا اسفه
بصتلها مى بضيق أما افنان نظرت إلى الباب مكان ما دخل ذلك الرجل وذكر اسمها بلقب اخر ” افنان هيثم زهران ” أنه من أحضره فهو وعدها أنه هيحل الموضوع البارحه ابتسمت وهى تتذكره
كان هيثم يقف عند الباب ويرى ابتسامتها جعلته يسعد التفت وهو يذهب
فى المساء فى القصر كانت أفنان تنظر لهيثم وهو يعمل على الاب توب قال
– افنان ده مكتب يعنى بشتغل فيه عايزه تقولى حاجه
مددت على الكنبه وقالت – معطلتكش أنا قاعده ساكته
– منتى عماله تبصيلى ومش مرتاحلك
– يعنى عارف انى ببصلك وانت إلى بتتجاهل
– اه
وقفت قربت منه بصلها مالت عليه رجع بظهره للخلف وجدها تضع يده على كرسيه وهى قريبه منه وتحاوطه
وتقول
– مش مرتحالى ليه
بصله من نبرتها الانوثيه التى لم يسمعها من قبل ونظرتها قال
– بالوضع ده هرتحلك ازاى .. انتى شاربه حاجه
رجع لورا لما قربت منه قال
– افنان
وجدها تبتسم ونظرتها تعود لأعتيادها وتبتعد وتقول بمرح
– انهارده جه عمو ده بتاع المزرعه وصلح المشكله إلى حصلت والمديرة اعتذرت منى أنا تصور
بصلها ابتسم بهدوء على كلمه عمو التى قالتها بصتله قالت – شكرا
– على ايه ؟