– اه عارف ان جوازنا مش حقيقى والحواجز إلى مبينا بأنى مقربلكيش وتعاملنا كأنا اغراب عن بعض .. بس انتى جميله يا أفنان .. من جوه ومن برا
كانت تايها من كلامه ونظرته كل ده كان بيديها معنى غير لدقات قلبها بعد عنها وقال
– تحبى نرجع
– لا أنا لسا جعانه
قالتها بتلقائيه يصلها اتكسفت قالت
– اقصد انى مكلتش حاجه
– تحبى نروح فين
بصت له وكأن خطر ببالها شئ
وديته افنان لمطعم كان بسيطا يعمه الضوضاء الذى أزعج هيثم فهو بطبيعته يحب الهدوء قال بدهشه
– كشرى
– اه ايه مبتاكلوش
– لا بصراحه ملقتش إلى يعملهولى
– يعنى ده انت محروم خلاص انا هعزمك
مسكت أيده خدته وهو يصلها لانه عايز يخرج مش يدخل كان بيبص لناس قعدو طلبت افنان الأكل وهو بصلها وبعد قليل جه طبقهم فبصله شويه بص لأفنان وهى بتاكل باستمتاع بصتله لأنه مبياكلش فعمل زيها وكل وعجبه كثيرا أنه كان مفتقد تلك الأكلات وهى من جعلته يجربها وطلب طبق اخر وهو يأكل وافنان قلقه عليه قالت
– متقلش فى الاكل ياهيثم
– لى
– عشان بطنك انت بتقول مكلتش بقالك كتير يعنى مش متعود
– محسسانى انى باكل تسمم