– مين إلى كان بيتكلم عليها بطريقه دى .. ممكن تكون حبيبته القديمه .. متخيلتش أنه يكون حب قبل كده او يحب بلإخلاص ده زى ما حسيت من نبرت صوته إلى مكنتش بارده ولا هاديه بالعكس كان صوته مبحوح فيه جرح كبير
فى اليوم التالى فى الصباح كانت أفنان تسير فى القصر بشرود لقت إلى بيمسك أيدها ويسحبها
اتخضت بصت لقته لؤى اتصدمت من قربهم وأيده إلى على وسطها زقته جامد بعيد عنها قالت
– انت ..
قاطعها وهو يقول – خلى بالك وانتى ماشيه بعد كده
بصت له باستغراب فأشار على السلم إلى كان جنبها وهى على حافته
– كنتى هتقعى
بصتله اومأت برأسها بتفهم بس كانت مضايقه من الى عمله ومتعرفش لى حست أنه تعمد يقربها منه بالشكل ده كان يقدر يبعدها
– اى إلى بتفكر فيه
– لا مفيش .. انتو كنتو فين امبارح
ابتسم حط أيده على مؤخره رأسه وهو يحك شعره ويقول
– سهره من بتوعنا .. ما تشغليش بالك .. بتسالى عشان هيثم
– اه انتو جيتو زيه كده
– لا ده هو إلى لما بيشرب بيتقل فى الشرب عشان يبقى كده مش واعى بالى حواليه ويغيب شويه .. أما فى العادى
مبيسكرش لو شرب زينا اصل بنعمل حساب رجوعنا ولو عمى أو بابا شافنا هتبقى مشكله
– وهو بيتقل فى الشرب ليه مش زيكو
سكت شويه ثم قال – تقدرى تسأليه
جه يمشي قالت – استنى
وقف ابتسم ابتسامه جانبيه ثم أخفاها ونظر إليها فقالت
– يوم أما ودتنى لشركه وقتها قولت حاجه غريبه .. قلت إن موضوع زمان خلى هيثم زى دلوقتى .. كنت تقصد ايه
– هو فعلا موضوع قديم مش مهم