– اه لا ده لؤى هو إلى قالى
يصلها باستغراب وقال – لؤى مين
– ابن عمك
– وانتى شوفتى لؤى فين وتعرفيه منين
استغربت من نبرته قالت – قابلته فى الجامعه انهارده وسلم عليا عادى فسألته ووصلنى
– وصلك ازاى بعربيته ؟!
– اه
قال بغضب – وانتى بتركبي معاه العربيه لى مش غريب عنك
قالت بتعجب – غريب ازاى هو مش ابن عمك
– بس رااجل
استغربت من نبرته إلى خافت منها وقالت
– فى اى يا هيثم أنا معملتش حاجه لكل ده .. اكيد لو واحد معرفوش مكنتش ركبت معاه كل الحكايه انه قريبك
– الغلط يفضل غلط تعرفى منين .. انتى لسا شيفاه امبارح ولا وجودك فى اوضته خلاكو تاخدو نقاش تعارف وانا مش واخد بالى
بصتله بشده وقالت بانفعال – اى إلى انت بتقوله ده تعارف ايه
سكت هيثم بضيق عشان ميزودهاش اكتر من كده ويجرحها تانى رغم أنه ميعرفش أنه جرحها فعلا كانت بتبصله وبتفتكر كلام ريم فقالت
– انت بتشك فيا فعلا يا هيثم
اتبدلت ملامح هيثم وبصلها من نبرتها
– كانت تقصد اي لما قالت كده .. هى تعرف منين أن الثقه عندك معدومه فى اى واحده .. بس انت مثلت الثقه قدامهم بحكم انى مراتك بس الحقيقه .. انت مبتثقش فيا أصلا
تنهد وقال – أنا مقولتش كده
– امال إلى انت بتعمله ده اى
– انتى مش شايفه أن الموضوع يضايق
– مش لدرجه وطريقتك دى
– خلاص يا أفنان ياريت متتكررش
مشي وقفته وهى بتقول