قربت موج منهم وقعدت جنبه وباست ايده بحب
سها: ايه رأيك نطلب من الداده تجهزلنا فطار ونطلع بره ف الجنينه
موج: تمام
وفعلا سها طلبت من الداده تجهز الاكل وطلعوا فطروا بره واتفاجئوا بياسين ويامن داخلين عليهم بعد م كانو
خلصوا فطار
ياسين: صباح الخير، وباس راس سها وايد والده
وده ريح سها نوعا ما ان موج مش ف دماغ ياسين اصلا.
يامن: طيب يا جماعه احنا هنزود الحرس حوالين البيت وكل واحد فيكم هيتحرك لازم حد معاه وخصوصا مدام
رواية حي بداخلي كاملة جميع الفصول
موج
موج: انا؟ ليه؟!
يامن: خالد هرب من السجن واحنا مش ضامنين يوصل هنا او يعملك حاجه
خافت موج وبان الرعب على وشها
سها مسكت ايدها تطمنها: كلنا حواليكى مش هيعرف يعملك حاجه تانى اطمنى.
هزت موج دماغها بشرود واستأذنتهم وطلعت اوضتها ودخلت وطلعت اخر تيشيرت ادهم كان لابسه وحضنته كأنها بتحتمى فيه من كل حاجه حصلتلها.
……………..
يامن بلغهم بالتطورات اللى هتحصل وسابهم وطلع على شركه ياسين يراقب مريم زى عادته بس اتفاجا باللى حاصل،