طلعوا بيها على المستشفى والدكتوره استلمتها على العمليات على طول
بعد نص ساعه
الدكتوره: للاسف، فقدنا الجنين، وخيطتلها الجرح تانى وهى حاليا ف الاوضه هتفوق كمان ساعتين.
ياسين: طيب وحالتها ايه؟
الدكتوره: مش هخبى عليك واضح انها متعرضه لصدمه شديده،وكمان فيه اثار على جسمها زى حد اعت*دى عليها او اجبرها على حاجه،كل حاجه هتبان لما تصحى،بعد اذنكم
سابتهم وقعد ياسين بدموع: وصلنا متأخر يا يامن، وصلنا متأخر
قعد جنبه يامن وفضل يهون عليه
………
بعيد عنهم كان واقف ادهم اللى سمع كل كلمه م الدكتوره واقسم انه ياخد حقها بس يطمن انها ف بيته الاول.
……….
يتبع….
بليل كان قاعد ياسين ويامن مكانهم وانضمت سها ومريم ليهم بعد اصرار منهم وفضلوا كلهم قاعدين بره عشان الدكتوره مانعه حد يدخل جوه
يامن عينيه منزلتش من على مريم، واتأمل هدوئها والحزن اللى مسيطر على وشها، اتمنى يخطفها ف حضنه يطمنها ان كل ده هيعدى وموج هتكون بخير، ومش عارف هو ليه بيتمنى كده…
_____………..