ابوه: الحى ابقى م الميت، وانا عايز اشوفك مرتاح قبل م اقابل وجه كريم، انا مش حمل اروح لربنا وانا شايل ذنبها على كتفى
ياسين: بعد الشر عنك يا حج، اللى فيه الخير يقدمه ربنا
قطع كلامهم صوت اذان الفجر وهو بيأذن ف كل الجوامع، وراح ياسين وابوه يأدوا فرض ربنا
رواية حي بداخلي كاملة جميع الفصول
……..
صحيت موج من نومها على صوت الاذان ودخلت اتوضت وصلت وقعدت تقرأ ورد القرآن، خلصت وقعدت مكانها على سجاده الصلاه تفتكر حياتها مع ادهم كانت ازاى وحطت ايدها على بطنها وقالت
موج: ربنا يقدرنى واربيك تربيه حسنه يفتخر بيها كل حد يشوفك يا رب، انت عارف بابا جميل اوى، هو اه مش معاك دلوقتى لكن هيبقى فرحان بيك وانت بتكبر كل ثانيه فى بطنى، بابا بيتمنى انك تيجى كل لحظه عدت علينا
اخدت نفس طويل ودموعها غرقت وشها وهى بتقول: بابا عمره م هيسيبنا لوحدنا.
قطع شرودها خبط ع الباب لبست اسدالها وفتحت لقيت حماها(كامل) وبنته (رحمه)