مضى ياسين الورق واداهم لمريم تانى
ياسين: كده فاضل حاجه تانى
مريم: لا يا فندم انا فضيت اليوم لحضرتك زى م قولت مكنش فيه غير ميتينج الصبح عشان كان مهم
ياسين: طيب تمام، عشان الحق اروح المستشفى
مريم بخضه: مستشفى ليه يا فندم، حضرتك كويس؟
ياسين باستغراب: انا كويس الحمد لله، موج بس تعبانه شويه
مريم بخضه اكبر: موج مالها، ايه اللى تعبها، حصلها ايه؟
ياسين: يابنتى انتى على طول كده، بس انا مقدر حالتك عشان عارف ان موج صحبتك جدا، عموما يا ستى كالعاده خالد جه البيت وعمل الشويتين بتوعه ( حكالها كل اللى حصل)
مريم بدموع: مستر ياسين انا عايزه اشوفها ارجوك
ياسين بتعاطف: حاضر هاخدك معايا و…
قطع كلامهم رن فون ياسين
سها بعياط : الحقنى يا ياسين موج اتخط*فت.