ليتنهد بدران… بخير يا حاج علوان بخير.
ليهتف علوان.. مالك يا ليل يا ولدي صوتك طالع اكده.
ليهتف جاسر.. هنجول ايه يا جدي جصه كل يوم التار والزفت.
ليهتف ليل… فيه ايه مالك جلبك مايع اكده يابن ابوي انا جوايا نار شابطه لو طلت احرج جلوبهم كلهم واحصرهم علي شبابهم.
ليهتف الحاج علوان.. اهدي يا ولدي الناس طالبه الصلح واحنا كبرات البلد جدامنا حلين يا تاخدو تاركو من العتامنه الدور علي َابن سالم العتماني عيل اصغير عنده تسعتاشر سنه ما جاعدش اهنه والراجل طالب الكفن او الصلح وانتو ليكو تختارو.
ليهتف ليل.. كفن ايه وصلح ايه اني عمي اخد جصاده عشره.
ليهتف علوان… ماتشوف ولدك يا بدران مالناش حكم عليه اياك.
ليقف بدران… ليل اهدي يا ولدي لو جتلته الدور عليك يا ولدي واني ماهتحملش اجع من طولي بحصرتي.
ليصرخ ليل… واني ماهيهمنيش اطفي ناري واموت ماهيهمنيش.
ليهتف علوان… خد اخوك وهملنا يا جاسر عايز اخوي بدران..
ليذهب جاسر الي اخيه ويشده لينصرف ليل مرغما وهو غاضب من تلك المشاورات التي تحدث منذ فتره لاقامه الصلح بين العائلتين..
جلس علوان مع بدران ليهتف… ولدك واعر يا بدران ما هيهمدش الا اما نلبس مصيبه خابر الدور علي ولدك يا بدران.
ليهتف بدران… خابر يابن ابوي خابر وماعرفش ليه هو ماحاسيسش بالمصيبه انه في وش الجفص.. اجول ايه..
ليهتف علوان.. احنا هنجيب اكبار العيلات يا حاج وهجيب الحاج مهدي كبير البلد واكبر واحد وكلمته مسموعه وهنجعد معاه ويجي ولدنا ماهيونطجش بس
ماتجولش ليه عشان ما يرمحش ويطفش جبل الجاعده فاهم يا بدران..
ليتنهد بدران…. والله ماعارف عيل كيف النار ما هيبردش ناره واصل اجول ايه الله يستر.
في احد الشقق الفخمه في مدينه الاسكندريه نجد هناك سيده تجلس غاضبه وبجانبها زوجها لتصرخ فيه…. انت هتفضل ساكت كده لما يجو يموتو الواد.