لتنظر اليه بحنان.. هعمل بيهم ايه مش بيفرحوني دول خالص.
ليبتسم…. يعني لو مليتلك علبه دهبات وعلبه غزل هتختاري الغزل.
لتاكله بسعاده.. اه والله… لتتنهد…. عارف يا ليل لو الفلوس بتحل كل حاجه كت حلت مشكلتنا كتو رضيتو بالفلوس وسيبتو التار ده. الفلوس مش بتفرح القلب.. القلب بيفرح بالحاجه اللي تسعده
ليتنهد فهيا جميله ليهمس…. وانت ايه بيسعدك يا حوريه.
لتتنهد.. انا اقل حاجه بتسعدني. انا بحب كل الناس ومش بزعل من حد ومش بحب ازعل. بس اللي قدامي يحن عليا الحنيه بتسعدني الكلمه الطيبه. انا ماشفتش حنان في حياتي اي حد بيحن عليا لو حتي مموتني بتراضي وافرح عشان نفسي فيها. قلم ميفو السلطان
ليشدها اكثر اليه ويتنهد فهيا طيبه بشكل كبير لتهمس.. والنبي يا ليل بطل تزعق انا مش بعمل حاجه انا بخاف.
ليتنهد.. يعني ينفع بالعجل اكده مرتي تنكشف علي راجل ومازعجش.
لتهتف.. انكشف ايه انا كت لابسه فستان.
ليتنهد بغلب.. فستان دراعاتك باينه ورجلك باينه ماجدرتش يا حوريه بتجلبيني حريجه بهبلك
لتخبطه.. بطل الله وبعدين تنقلب ليه ماعادي هو مش انت بتقول مش بتغير تتقلب ليه زيي زي اي حد البس اي حاجه.
ليتنهد بغلب فهو يحترق عليها لتهمس.. عموما انا مش هعمل كده تاني عشان عوايدك. عارفه انك زعلان عشان العوايد مش غيره ولا حاجه انت ماينفعش تغير عليا انا فاهمه.
ليهتف.. وماينفعش ليه مابحسش عاد.
لتهتف.. لا يا ليل انت قلت انك مابتغيرش. وانا فاهمه عشان انت مابتحبنيش انت قلت
ليهتف.. اني جولت مابحبكيش فين ده.
لتهتف… مش مهم تقول يا ليل انا بحس انا صحيح طيبه وغلبانه بس بحس. لتضع يدها علي قلبه.. انت هنا صعب. هنا مش جواه حوريه ولا هيبقي جواه انا فاهمه. لتتنهد بوجع مش معني اني بقيت مراتك تحبني.انت مجبور عالتار يا ليل وموجوع وانا حاسه بيك فيه جواك صراع حاساه. انت مش زي جاسر يا ليل. جاسر قلبه دق للؤلؤ وعايز يبقالها حبيب. وانا شايفه ومبسوطه بيها. انما انت ده مادقش ولا هيدق ليا وانا مش زعلانه عارف ليه لاني طول عمري لوحدي