عند يونس كان ايمن قاعد معاه
ايمن : وبس يا سيدي كالتها علقه محترمه خرشمت وشها
يونس ضحك : مش سهله ياسمين والله بس حقها إنا كنت ناوي أخد حقها بس هي أدها وادود وخدت حقها من غير ماحد ياخدو ليها
ايمن : آه بصراحة جدعه المهم إنت روحت قولت لجدها إنك عايز تخطبها من غير ما تعرفني
يونس : وإنت عرفت منين
ايمن بخبث : عرفت مكان ماعرفت بقي انت مالك تعمل خطوه زي دي من غير ما ايمونك يعرف
يونس بصله : هو إنت إللي هتتجوز ولا إنا
ايمن : إنت
يونس : يبقى تسكت ولما يحصل حاجه أكيد أول واحد هيعرف هو إنت نقطني بسكاتك بقي علشان عايز أعرف هي هتوافق ولا لا
ايمن : هتوافق هتوافق متقلقش
يونس : وإنت ليه واثق اوي كده
ايمن : قلبي بيقولي ان ياسمين هتوافق
يونس : يارب يا أخويا
في الجنينه سامي خرج شاف فاطمه واقفه بتسقي الزرع ابتسم عليها وجه وراها
سامي : القمر بيعمل إيه
فاطمه اتخضت : خضتني يا سامي مش كده يا اخي
سامي : سلامتك من الخضه بتعملي اية
فاطمة بكسوف : بسقي الزرع أهو زي مانت شايف
سامي بهزار : لا مش معقول ورده بتسقي جنينه انا لا اتخيل
فاطمه ضحكت بكسوف