ايمن : تفتكر ياسمين فاقت ولا لسة
يونس بسخريه : أكيد وجننت الجوكر كمان تعرف يا ايمن برغم من ياسمين طيبه وعبيطه بس تحس من نظره عينيها إنها شرسه ومش بتسيب حقها ابدا
ايمن ضحك : الصراحة بت مش طبيعيه بجد هحكيلك علي موقف
فلاش باك
كانت ياسمين ماشيه هي وايمن وهما بياكلو آيس كريم وأخد معدي بيتكلم في الفون خبط في ياسمين لبس الايس كريم في وشها
ياسمين بصدمه : يا أعمي يابن الأعمى وبعدين قالت بصوت عالي : إنت يا حماااااار يااعمي إيه اتصبت بالعمى وإنت ماشي مش شايف
الشاب بأستغراب وهي بيأكل لبانه : في حاجه يا انسه
ياسمين بعصبيه : في محشي يا عين أمك
الشاب : محشي بقولك ايه يا انسه احترمي نفسك انا ماسك نفسي عنك
ايمن وهو بيشد فيها : خلاص يا ياسمين بقي
ياسمين بغضب وهي وشها كله آيس كريم : لا ونبي تعالي اضربني يا ابو لبانه في راجل شحط زيك ياكل لبانه كده دانا هطلع علي جتتك البلا الازرق دلوقتي تعالي بقي
بعد شويه ايمن كان ماسك ياسمين من ظهرها وعمال يشد فيها وهي مصممة تكمل ضرب في الواد
ياسمين بتحاول تشد نفسها من ايمن بغضب : اوعي يا ايمن سابني اكمل عليه ابو لبانه ده
ايمن وهو بيشد فيها : يا بنتي خلاص الراجل خلصان خالص
كان الشاب مرمي علي الارض بيتوجع وهو وشو متخرشم علي الاخر وماسك دراعه ومتخربش في رقبته وشعرة متقطع من كتر الشد فيه