الجوكر : وبعدين بقي في ام الليله السودا دي قولتلك الجوكر
ياسمين بضيق : يعني هو إنت نازل من بطن أمك إسمك الجوكر أكيد ليك إسم
الجوكر : آه آنتي تلطفي بقي
ياسمين : اومال آه ومسكت دراعها وداست علي شفايفها بوجع
الجوكر بأستغراب : مالك
ياسمين بسخريه ووجع : لا اسم الله علي ساعتك واخده يعني طلقه في دراعي حضرتك مش وأخد بالك
الجوكر وهو بيهز كتفه : آه طيب بكره تتعودي
ياسمين بخنقه: أتعود علي إيه هو أنا بقولك عندي مغص بقولك واخده طلقه في دراعي
الجوكر : طب عادي هي في دراعك علي فكره مش في دماغك
ياسمين بصتله بصدمه وبعدين سكتت هتتوقع إيه يعني من واحد شغال في المافيا
الجوكر استغرب سكتها: إيه سكتي ليه
ياسمين بصتله وقالت بهدوء : ممكن لو سمحت تخرج عايزه أنام شويه تعبانه
الجوكر بسخريه : هو حضرتك فاكره نفسك في رحله آنتي مخطوفه
ياسمين بصريخ: تعباااااااانة عااااااااايزه اناااااااام
الجوكر بصدمه : يا بنت المجانين نامي نامي نامت عليكي حيطه وخرج
ياسمين بصت علي الباب بغضب: حيطه تفطسك انت وأهلك كتك القرف قال جوكر قال دانت محصلتش شايب الكوتشينه وبعدين فردت علي السرير براحه ونامت
عند يونس وايمن كانو بيحضروا شنتطهم إللي هيسافرو بيها بعد ما تاكدو من اللوا إن ياسمين هناك
ايمن : يونس
يونس : ها