عمر : يعني ايه ي سالم
سالم : زي ما قولتلكم انا هتصل وهعمل اللي قولتلكم عليه
مالك : بس انت متاكد انها مش هتكتشف الحكاية دي
سالم : اه متاكد من اللي بعمله كل واحد عرف اللي هيعمله
الكل : اه عارفين
سالم : يلا هنتقابل بكرة مع السلامة بس كل واحد يجهز نفسه
مشيوا كلهم وسالم روح علي البيت لقي جميلة وسحر وفي شاب قاعد معاهم
سالم : مين دا
سحر : مش تقول السلام عليكم الاول
سالم : السلام عليكم ممكن اعرف مين دا
سحر : دا شاب متقدم لجميلة
سالم : نعم من امتي دا ان شاء الله ومحدش قاللي ليه واللا انا مش موجود
سحر : مش مهم رايك المهم راي جميلة واللا ايه ي جميلة
جميلة : اللي تشوفيه ي ماما
سالم : انتوا بتستهبلوا هو انا هوا واللا ايه انا اللي رايي هيمشي
الشاب : انا جاي اطلب ايد الانسة جميلة واظن ان دا ميزعلش حد
سالم : انت لو عايز تطلع من هنا سليم يبقي تمشي حالا والا قسما بربي العزة انك هتخرج علي نقالة
مسك سالم ايد جميلة واخدها معاه لاوضته دخلها ورزع الباب جميلة اتخضت من الصوت
سالم التفت ليها : مين بقي الدبدوب اللي تحت دا
جميلة : دا شاب جاي يتقدملي