سالم : احنا اكيد هنقبض عليها بس بطريقة ذكية انا عندي خطة بص انت دلوقتي تروح وتجمعلي الفريق كله شكل ورانا طالعة كبيرة
مصطفي : انا احيانا بخاف من دماغك دي
سالم : روح انت بس واجمعهم وانا هروح واجي بعدك
مصطفي : تمام
مشي سالم وروح علي البيت علي طول لقي جميلة وسحر لسة بيتفرجوا علي الفيلم
سالم : ازيكم ي اهل البيت عاملين ايه
سحر : ما انت كنت معانا دلوقتي في ايه
سالم : انا بس جاي اقولكم اني مش راجع النهاردة ورايا شغل
سحر : في ايه ي سالم
سالم وهو بيبص لجميلة : مفيش ي امي انا هروح دلوقتي وعليكم بكرة باذن الله هكون جيت جميلة عاوزك في كلمة
سحر : روحي معاه ي جميلة
راحت جميلة معاه وهي مش طايقاه
سالم : جميلة انا مش عاوزك تخرجي من البيت
جميلة : ليه هو في ايه
سالم : مفيش اسمعي الكلام بس
جميلة : طب وشغلي انت وعدتني انك هتخليني اشتغل
سالم : بعدين ي جميلة بعدين بس دلوقتي اسمعي الكلام
جميلة : خلاص ماشي
باس سالم جميلة من خدها ومشي وسابها قبل ما تشتمه