سالم : تسمحي واللا متسمحيش انا قولت اللي عندي وحذرتك اعملي بقي اللي انتي عاوزاه
قال سالم كلامه وخرج من غير ما يسمع لرد جميلة وسابها وهي مصدومة من حركاته وكلامه
جميلة : هو مش خاطب واللا انا بحلم يبقي عاوز مني ايه مسيري هعرف انت بتفكر في ايه ي سالم
في الليل كانوا كلهم مجتمعين علي الاكل كان سالم بيبص لجميلة نظرة خبيثة وهي كانت بتبصله بصة ونفسها
تموته وكانت سحر قاعدة في نصهم ومستغربة من اللي بيحصل
سحر : ممكن حد يفهمني ايه اللي بيحصل واللا هتفضلوا كدة كتير
جميلة : مفيش حاجة ي ماما
سالم : لا فيه جميلة عاوزة تسيب البيت ي امي
في اللحظة دي كانت جميلة نفسها تقوم تموته
سحر بزعل : ليه ي بنتي حد زعلك في حاجة
جميلة : لا ابدا ي ماما
سحر : اومال عاوزة تمشي ليه واللا زهقتي مننا
جميلة : لا والله ي ماما انا خلاص هقعد
سحر : يعني مش هتمشي وتسيبي البيت
جميلة : لا هفضل معاكوا
سالم : حلو اوي تعالوا يلا نتفرج علي فيلم اضطرت جميلة انها توافق وراحوا كلهم يتفرجوا علي الفيلم لكن بعد
فترة قاطعهم صوت رنة تليفون سالم مشي ورد مانت المكالمة من مصطفي
سالم : ها عملت ايه
مصطفي : في اخبار مش مطمنة نهائي