جميلة : شكرا ليكي بجد
سحر : ويلا يهمك ي حبيبتي انا معاكي في كل حاجة
دخل سالم عليهم فجاة اتخضوا هما الاتنين وخافوا ليكون سمع حاجة
سالم : انا سمعت كل حاجة
جميلة : سمعت ايه
سالم : سمعت كلام ماما هي عندها حق انتي وحدة من العيلة
سحر : بامارة اللي حصل تحت
سالم : انا اتصرفت ي امي واسف ي جميلة نيابة عن سالي هي مكنتش تقصد
جميلة : عادي محصلش حاجة انا ازعل علي حاجة تستاهل بس دي متستاهلش حتي اني ازعل منها
فرح سالم بردها مع انه كان لازم يتعصب علي اللي قالته علي سالي بس العكس كان فرحان لانها عاقلة وبتقدر تفهم كل حاجة
سحر : يلا اتوكل علي الله سيبني انا وبنتي نتكلم شوية
سالم : انا حاسس كدة اني بتطرد
سحر : عيب عليك ي حبيبي اتاكد فعلا انك بتتطرد
سالم : طب اطلع بشوية الكرامة اللي بقيين ليا
خرج سالم وضحكت جميلة عليهم هي فرحانة اوي انها معاهم وعارفة انه بيعملوا كدة عشان يضحكوها وفعلا هما نجحوا في كدة
جميلة : ياتري سمع حاجة
سحر : متقلقيش ي بنتي لو كان سمع حاجة مكنتش هتكون دي ردة فعله
جميلة : تفتكري
سحر : انا متاكدة ي حبيبتي