سالم : براحتك اعملي اللي تعمليه
راحت جميلة معاه للعربية وركبت مشي بسرعة لحد ما وصلوا لبيت جميل جدا وكبير
جميلة في سرها : الله بيته جميل اوي دا ييجي اد الشارع بتاعنا كله
سالم : لو خلصتي تامل نقدر نمشي
جميلة باحراج : يلا
دخل سالم البيت لقي والدته نامت اخد جميلة ودخل اوضة جميلة اوي
سالم : تقدري تقعدي في الاوضة دي
جميلة : شكرا ليك بجد وزي ما قولت لحضرتك همشي بكرة علي طول
سالم : تصبحي علي خير
خرج سالم من الاوضة وساب جميلة لوحدها عشان تاخد راحتها
جميلة بقلق : طب انا دلوقتي لقيت مكان ابات فيه النهاردة لكن بكرة هعمل ايه انا لازم الاقي شغل بسرعة ومكان اعيش فيه
نامت جميلة بسرعة وخصوصا ان السرير كان واسع وناعم وعمرها ما نامت قبل كدة علي واحد زيه وهي كانت
تعبانة فنامت بسرعة في اليوم التالي فاقت جميلة علي صوت خبط علي الباب قامت بسرعة وفتحت
سالم : انتي لسة مغيرتيش
جميلة بصت علي لبسها لقت انها مغيرتش هدومها بسبب تعبها امبارح نامت من غير ما تغير
جميلة : انا هغير لبسي بسرعة وهاجي
سالم : طيب وانا مستنيكي تحت
نزل سالم وساب جميلة تغير غيرت جميلة هدومها ولسة هتخرج الباب اتفتح وانصدمت …….
يتبع….