رفعت عينيها لتنظر له بامتنان، فيصدح صوت غاضب يقول:
– انت بتعمل ايه هنا؟
close
ترك يديها ثم وضع يديه في جيبه وهو يقول بثقة:
– كنت جاي أزور الأنسة غزل.. فيها حاجه؟
قال محمد بسخرية:
– كده من غير ميعاد ومن غير استئذان؟
ثم أكمل محمد:
– واللي يزور حد بيزوره في المطبخ؟
يوسف:
– بيتهيألي صاحبة الشأن ما اعترضتش.
ونظر اليها بجنب عينه، فقاطع حديثهما صوت يتساءل:
– في ايه ياولاد؟
جرت غزل اتجاه الخالة صفا تحتمي بها، فقال محمد وهو يرفع حاجبة بتحدي:
– مافيش يا خالتي ده البشمهندس يوسف كان جاي يطمن علي غزل وماشي على طول.
صفا:
– اهلًا وسهلًا يابني، يمشي ازاي يابني من غير ما ياخد الضيافة بتاعته.
قال يوسف بابتسامة ماكرة وتحدي لمحمد:
– تسلمي ياهانم، أكيد مش هكسفك واشرب قهوتي معاكي.