– هو انت ما اتبسطش النهاردة معايا؟
نظر إليها يوسف نظرة طويلة فامسك شعرها من مؤخرة رأسها وقربها له لتلامس شفتاه خاصتها ويقول:
– انتِ الوحيدة اللي تقدر تبسطني.
فالتهم شفتاها بقبلة حارقة ليغوص معها في بحرها العميق.
__________________
في شركة الشافعي.
– إتصرفي يا سوزان، يوسف مش هيسكت.. ابعتي لأي شركة تانية من اللي متعاقدين معاها يبعتوا حد من طرفهم.
قالها شادي بتوتر
– يا بشمهندس شركة الراعي اللي داخلة شغل معانا بالفعل اتفقت معاها انها تبعتلنا المترجم اللي عندهم، بس للأسف المترجم في المستشفى رجله اتكسرت النهاردة الصبح.
قالتها سوزان بخوف مما سيحدث فقال شادي:
– يادي الليلة اللي مش فايته!
قالت سوزان وهي ترفع سماعه التليفون:
– والأستاذ محمد فين هو كمان اتأخر ليه، ده معاه الورق؟
– انا اتصلت بيه اكتر من مره مش بيرد، هحاول مره تانية.
– حاولي تاني وتالت، احنا هنتفجر النهاردة.