– قولتلك ما تتصلش بيا تاني انت مابتفهمش ولا إيه؟
الشخص:
– اسمعيني بس يا ملك، والله بحبك أديني فرصة واحدة نتقابل فيها ومش هتندمي صدقيني.
close
ملك:
– شكلك مش بتفهم، لو اتصلت بيا تاني هقول ليوسف وانت عارف يوسف ممكن يتصرف إزاي.
اغلقت الخط في وجهه
الشخص نظر للهاتف بتعجب وقال:
– ماشي يابنت الشافعي هتروحي مني فين؟
– عرفت حاجة؟ أو وصلت لأي معلومة جديدة؟
قالها ناجي وهو يضع الهاتف على أذنه، فقال عيسى:
– لا يا ناجي لسه موصلناش لحاجة، كل اللي قدرنا نوصله إن مافيش حد بإسم غزل ناجي الشافعي موجود هناك في السجلات، يعني معنى كده يا إما خرجت من البلد أو.. أو ماتت.
– لا مامتتش أنا قلبي حاسس إنها عايشه، بس مع مين مش عارف.
عيسى:
– طيب ما تحاول تدور على أي حد من عيله المرحومة صفوه.