– تخيلي عامر عرض عليا انك تعملي أكلات زي دي للقهوة بتاعته.
انتبهت لما قاله وانفرجت شفتاها، تعجبت في بداية الأمر وبعدها ظهرت ابتسامه شقت شفتيها كأن طابت لها الفكرة وأسرعت لتكتب:
– وليه لا؟ انت عارف أن ماما صفا من ساعه ما جينا هنا وهي كانت بتعمل اكل زي ده وتبيعه والنَّاس كانت بتحب أكلها، بس لولا رجليها
وتعبها كانت فضلت للان بتشتغل.
هز محمد رأسه بالرفض:
– لا ياغزل انتِ مش هتشتغلي طول منا اقدر أتكفل بيكِ، هو انا اشتكيت ولا انتِ محتاجه حاجة؟
هزت رأسها سريعًا وأشارت بيدها بلا، وكتبت:
– بس انا زهقانة أوي ومش بعمل حاجة غير الغداء واقرا كتب.. بالله عليك توافق.
محمد:
– خلاص موافق بس بشرط ما ترهقيش نفسك ولو حسيتي انكً تعبتي قوليلي، وأنا هتصل بعامر وأقوله اننا موافقين.
صفقت غزل بيديها وقفزت تحتضن محمد فربت على ظهرها بحنان يدعو لها في سره بصلاح الحال.
****