– صدقيني أنا بحبك.. مقدرش أعيش من غيرك.. لا أنا مش بحبك أنا بعشقك.. بعشقك ياغزل.. كل اللي أنتِ
عرفتيه مش حقيقي.
ليرى دموعها تنهمر على كفه تقول بألم:
– تنكر انك كنت متفق مع تقى عليا.. تنكر انك كنت عايز تشيلني من طريقك واني زي ما أنت قولت لشادي أني مش من النوع اللي بيعجبك.. تنكر انك سخرت من إعاقتي اللي ماليش ذنب فيها.. عارف أنا عمري ما كنت عايزه
أعيش معاكم كنت راضية بنصيبي.. نصيبي اللي انت ادخلت فيه وبفضلك فسخت خطوبتي.. عارف يا يوسف ايه السبب الأساسي اللي خلتني عملت العملية؟ انت! عشان ما شوفش نظرة استحقار منك.
ليهز رأسه بالرفض:
– مش صحيح أنا…
ليقطع حديثه حركة المصعد فجأة للأسفل مهدد للسقوط.. ليقول وهو يرى رعبها:
– إحنا لازم نخرج من هنا.. الاسانسير هيقع بينا.. في تليفونك زمانهم مش عارفين اننا محبوسين.
ليتركها تبحث في حقيبتها وتخرج منه هاتفها وعند محاولته الاتصال وجد عدم وجود شبكة ليغضب قائلًا:
– مافيش زفت شبكة.
– طيب نحاول ننده على حد يسمعنا.
يوسف بفقدان أمل:
– محدش هياخد باله وصوتنا مش هيتسمع.
…………
يامن يدخل الشركة يظهر عليه التوتر يقابل شادي الذي يحدث احد الموظفين بعصبية يقول:
– في إيه ياشادي؟ جايبني ومكهرب الدنيا ليه؟